धादिङ, ५ जेठ । धादिङ जिल्लाको सदरमुकाम रहेको नीलकण्ठ नगरपालिकाको वडा नं ६ मा वडा अध्यक्षका प्रत्यासीहरुको  मत बराबर भएपछि गोला प्रथामार्फत अध्यक्ष  निर्वाचित गरिएको छ ।

गोला प्रथामा नेपाली काँग्रेसका उम्मेद्वार भुपेन्द्र  श्रेष्ठ विजयी भएका छन् । विहीवार  मतगणना गर्दा नेपाली काँग्रेसका   भुपेन्द्र श्रेष्ठ र नेकपा माओवादी केन्द्रका   लक्ष्मण रम्तेल दुवै जनाले बराबर ७ सय ५८ मत पाएका थिए  ।

गत वैशाख २८ गते राती  काँग्रेसका उम्मेद्वारमाथि आक्रमण गरेको आरोपमा  माओवादी केन्द्रका उम्मेद्वार लक्ष्मण रम्तेललाई प्रहरी हिरासतमा राखिएको छ । सो घटनामा गम्भीर घाइते भएका काँग्रेसका उम्मेद्वार भुपेन्द्र श्रेष्ठ  काठमाण्डौमा उपचाररत छन् ।

गोला झिक्नको लागि रम्तेललाइ प्रहरी हिरासतबाट मुख्य निर्वाचन अधिकृतको कार्यालयमा लगिएको थियो भने भुपेन्द्रको तर्फबाट काँग्रेस जिल्ला सभापतिको  रोहवरमा गोला थुतिएको थियो ।