काठमाडाैं, २२ पुस । मन्त्रीपरिषद् बैठकले नगर विकास कोषमा रिक्त रहेको ७ जना  नयाँ बोर्ड सदस्य नियुक्त गर्ने निर्णय गरेको छ । मन्त्रीपरिषद्को यो निर्णयसँगै नगर विकास कोषमा धुनिबेसी नगरपालिकाका प्रमुख बालकृष्ण  आचार्य नियुक्त भएका छन्  ।  आचार्य बागमती प्रदेशबाट बोर्ड सदस्यमा नियुक्त भएका हुन् ।

मन्त्रिपरिषद्ले  प्रदेश १ बाट त्रियुगा नगरपालिकाका प्रमुख बलदेव चौधरी र प्रदेश २ बाट क्षिरेश्वर नगरपालिकाका उपप्रमुख रचना श्रेष्ठलाई  बोर्ड सदस्यमा नियुक्त गर्ने निर्णय गरेको छ ।

यस्तै गण्डकी प्रदेशबाट गोरखा नगरपालिकाका प्रमुख राजनराज पन्त, लुम्बिनी प्रदेशबाट रेसुङ्गा नगरपालिकाका प्रमुख डिल्लीराज भुषाल,कर्णाली प्रदेशबाट रास्कोट नगरपालिकाका उपप्रमुख मिमसरा बम र  सुदुरपश्चिम प्रदेशबाट गोदावरी नगरपालिकाका उपप्रमुख रत्नाम कडायतलाई नियुक्त गरिएको छ ।

नगर विकास कोषमा अध्यक्षसहित जम्मा १६ जना सदस्य रहने व्यवस्था छ  । कोषमा शहरी विकास मन्त्रालयका सचिवको अध्यक्षतामा   नगरप्रमुख र उपप्रमुख गरी ७ जना र शहरी विकास मन्त्रालयबाट ३ जना सदस्य हुने व्यवस्था छ ।

कृष्ण सापकोटा कार्यकारी निर्देशक रहेको उक्त बोर्डले देशभरीका नगरपालिसँग सहकार्य गर्दै विभिन्न विकास योजनाहरुमामा ऋण सम्झौता  गर्दछ ।