धादिङ कार्तिक २५ ।

नेपाल स्वास्थ्यकर्मी संघ (हेपोन) को उपाध्यक्षमा धादिङका रामसिंह तामाङ निर्बिरोध निर्वाचित हुनुभएको छ । काठमाडौंमा जारी सातौ केन्द्रिय महाधिवेशनबाट धादिङबेसी स्थित आँखा अस्पतालका इन्चार्ज रामसिंह तामाङ केन्द्रिय उपाध्यक्षमा निर्विरोध हुनुभएको हो ।
नेपाली काँग्रेस निकट नेपाल स्वास्थ्यकर्मी संघको यस सातौं अधिवेशनबाट धादिङ थाँक्रेका प्रदिप गजुरेल नीजि क्षेत्रबाट केन्द्रिय सदस्यमा निर्विरोध निर्वा्चित हुनुभएको छ । यसैगरी चुनावि मैदानमा रहनुभएको धादिङका स्वास्थ्यकर्मी शिव राना पनि विजयी हुनुभएको छ । देशभरबाट ५७५ जना प्रतिनीधिहरु सहभागि रहेको हेपोन सातौं महादिवेशनमा २९० मत ल्याई शिव राना केन्द्रीय सदस्यमा विजयी भएका हुन् ।