धादिङ १४ कार्तिक ।
अज्ञात समुहले धादिङको नीलकण्ठ नगरपालिका वडा नम्बर ९ को वडा कार्यालयमा तोडफोड गरेको छ । वडा कार्यालय प्रवेश गेट सहित पाँच वटा कोठा ,वडा अध्यक्ष बस्ने टेवल,दराज सहितको सामाग्री तोडफोड गरीएको वडा नम्बर ९ का वडा अध्यक्ष भोज बहादुर रेग्मीले बताउनुभयो ।
तिहार विदा पछिको पहिलो दिन बिहिबार कार्यालय जाँदा कार्यालय तोडफोड भएको थाहा भएपछि प्रहरीलाई खबर गरीएको वडा अध्यक्ष रेग्मीले बताउनुभयो । रक्सी सेवन गरेर कार्यालय तोडफोड गरेको हुनसक्ने प्रहरीले आशंका गरेको छ । बिहिबार कार्यालय खोल्न जाँदा कार्यालय तोडफोड भएको थाहा भएको हो । वडामै मिलापत्र गरीएको एउटा मेलमिलाप सम्बन्धी फाइल चोरी भएको छ ।