धादिङ २२ साउन ।

धादिङको मझिमटारबाट २४ तोला नक्कल सुन जस्तै पहँेलो धातु सहित २ जना पक्राउ परेका छन् । धादिङको वेनिघाट रोराङ गाउँपालिका वडा नम्बर ९ मझिमटारस्थित पृथ्वीराजमार्गको बाटो हुँदै काठमाडौंबाट चितवनतर्फ जाँदै गरेको ना ५८ प ६५५३ नम्बरको मोटरसाइकल रोकेर चेकजाँज गर्दा नक्कली सुन जस्तै देखिने पहेंलो धातुसहित दुई जना पक्राउ हुन् ।

मोटरसाइकलका चालक चितवन भरतपुर महानगरपालिका वडा नम्बर २ क्षेत्रपुरका सन्तोष बस्नेत र पछाडी सवार नवलपरासी जिल्ला मध्यविन्दु नगरपालिका वडा नम्बर ६ का गोकुलमान श्रेष्ठ पक्राउ परेका छन् । चेकजाँच गर्दा सन्तोष बस्नेतले बोकेको झोलामा नक्कली रूपमा राजश्व छली लुकाई छिपाई राखी ल्याएको अवस्थामो सुन जस्तै देखिने पहेँलो धातु ५ थान (जम्मा २४ तोला) फेला पारी बरामद गरिएको प्रहरीले जनाएको छ।
दुबै जनालाई पक्राउ गरि थप अनुसन्धान एवं कारवाहीको लागि राजश्व अनुसन्धान विभाग हरीहरभवन ललितपुरमा पठाइएको इलाका प्रहरी कार्यालय गजुरी धादिङले जानकारी दिएको छ।