धादिङ १ असार ।
धादिङको ज्वालामुखी गाउँपालिका वडा नम्बर १ बाट अबैध सालको काठ बरामद गरीएको छ ।ज्वालामुखि गाउँपालिका वडा नम्बर १ देबिथानबाट मजुवा तर्फ जादै गरेको बा ३ ख ४४८२ नम्बरको स्वाराज गाडीमा बालुवा भित्र लुकाई छिपाई लादै गरेको सालको १४ पिस २२.०५ किउ फिट काठ बरामद गरीएको हो ।शंका लागेर स्थानीयले रोक्दा गाडीबाट काठ फालेर चालक गाडी सहित फरार भएका थिए ।
गाडी सहित चालकलाई मैदी प्रहरी चौकीबाट खटिएका प्रहरीले नियन्त्रणमा लिएर जिल्ला बन कार्यालय धादिङलाई बुझाईएको जिल्ला प्रहरी कार्यालय धादिङले जानकारी दिएको छ ।ज्वालामुखी गाउपालिका वडा नम्बर १ द्धारथोक बस्ने बर्ष २५ को शुशिल श्रेष्ठलाई नियन्त्रणमा लिई अनुसन्धान भईरहेको जिल्ला प्रहरी कार्यालय धादिङले जनाएको छ ।