धादिङ १८ बैशाख ।
मंगलबार धादिङमा भएको मोटर साईकल दुर्घटनामा २ जनाको मृत्यु भएको छ । चितवनबाट काठमाण्डौतर्फ जादै गरेको बा ९७ प २५३८ नम्बरको मोटरसाईकल काठमाण्डौबाट नवलपरासी तर्फ जाँदै गरेको बा ४ ख ९१०३ नम्बरको माईक्रो बससँग ठक्कर खाएको र मोटरसाईकल अनियन्त्रित हुँदा चितवनबाट काठमाण्डौतर्फ जादै गरेको ना ६ ख ५६१४ नम्बरको ट्रकले किच्दा मोटरसाईकलमा सवारमा दुवै जनाको मृत्यु भएको हो ।

दुर्घनामा परी मृत्यु हुनेमा मोटरसाईकलमा सवार चन्द्रागिरी नगरपालिका ५ काठमाण्डाकौ २९ वर्षीय राज महर्जन र चन्द्रागिरी नगरपालिका १२ का ३० वर्षीय कवि कुमार महर्जन रहेका छन् ।
प्रहरीले माईक्रो बस चालक पूर्वी नवलपरासी अरुणखोला नगरपालिका १२ का ३७ वर्षीय धन बहादुर चौधरी र ट्रक चालक धादिङको थाक्रे गाउँपालिका ४ का ३५ बर्षीय राजु अर्याललाई नियन्त्रणमा लिएको छ ।