w

धादिङबेसी २६,फागुन ।
जिल्ला सदरमुकाम स्थित एड्भान्स एकेडेमीमा भएको जिल्ला स्तरीय भलिबल प्रतियोगिताको उपाधी एड्भान्सले जितेको छ । आईतबार भएको फाईन खेलमा मुक्रापदेवी माविलाई सोझो सेटमा पराजित गरी एड्भान्सले उपाधी जितेको छ । प्रतियोगितामा रुवीभ्याली गाउँपालिकाको मुक्रापदेवी माविले दोस्रो स्थानमा चित्त बुझाएको छ । अन्तराष्ट्रिय महिला दिवसको अवसरमा आयोजित प्रतियोगितामा विभिन्न १२ वटा विद्यालयको सहभागिता रहेको थियो ।

तिनदिन सम्म सन्चालन भएको प्रतियोगितामा नीलकण्ठ मावि र धादिङबोर्डिङ स्कुल तृतीय भएका छन्। प्रतियोगितामा उत्कृष्ट खेलाडी एड्भान्सकै आकाश गुरुङ लामा र उत्कृष्ट रेजर पनि एड्भान्सकै कृष्ण गुरुङ भएका छन् । सन्चालक समितिका अध्यक्ष अर्जुन कुमार श्रेष्ठको अध्यक्षतामा सम्पन्न भएको प्रतियोगितामा प्रमुख जिल्ला अधिकारी भागिरथ पाण्डेको प्रमुख आतिथ्य रहेको थियो । प्रतियोगितामा प्रथम,द्धितीय र तृतीय हुने विद्यालयलाई क्रमश नगद ३० हजार १५ हजार र ५–५ हजार शिल्ड,मेडल र प्रमाणपत्रबाट पुरस्कृत गरीएको थियो ।