धादिङबेसी २४ फागुन ।
धादिङबेसी स्थित एड्भान्स एकेडेमीमा शुक्रबारदेखीे खुल्ला छात्र भलिबल प्रतियोगिताको सुरु हुदैँ छ ।अन्तराष्ट्रिय महिला दिवसको अवसर पारेर आयोजना गरीएको प्रतियोगितामा १२ वटा विद्यालयको सहभागिता रहने एड्भान्स एकेडेमीका प्रिन्सिपल गोविन्द बुढाथोकीले बताउनुभयो ।
।स्वास्थ्यको लागि खेलकुद,राष्ट्रको लागि खेलकुद भन्ने नारा सहित विद्यालयको वार्षिक क्यालेण्डर अनुसार भलिबल प्रतियोगिता आयोजना गरीएको प्रिन्सिपल बुढाथोकीले बताउनुभयो ।

आजदेखी सुरु हुने प्रतियोगिता २६ गते सम्म सन्चालन हुने प्रिन्सिपल बुढाथोकीले बताउनुभयो । प्रतियोगिताको शुक्रबार १० बजे धादिङका प्रमुख जिल्ला अधिकारी भागीरथ पाण्डेयले उद्घाटन गर्ने कार्यक्रम रहेको छ । प्रतियोगितामा प्रथम हुने विद्यालयले नगद रु ३०,००० प्राप्त गर्नेछन् । दोस्रो हुने विद्यालयले नगद रु १५,००० प्राप्त गर्नेछन् भने तृतीय हुने २ टिमलाई नगद ५,०००÷५,००० शिल्ड, मेडल, प्रमाणपत्रबाट पुरस्कृति गरिने छ ।