गल्छि १३,फागुन ।
पार्किङ गर्ने क्रममा बोलेरो पिकअप जिपले ठक्कर दिदा धादिङको गल्छि गाउँपालीका वडा नम्बर ५ मा दुई जनाको मृत्यु भएको छ । यसैगरी अर्को एक गम्भिर घाईते भएको जिल्ला प्रहरी कार्यालय धादिङले जानकारी दिएको छ ।
गएराति सडक छेउमा पार्किङ गर्न खोज्दा बा २० च ६२२१ नम्बरको जिपले ठक्कर दिदा पसलमा बसिरहेका २ जनाको मृत्यु भएको हो । जिपको ठक्करबाट गल्छि गाउँपालिका वडा नं ४ का ३५ वर्षीया जमुना भुजेल र सोही गाउँपालिका वडा नं ५ का ४६ वर्षीया कान्छी तामाङको मृत्यु भएको हो । भुजेलको घटनास्थलमै र तामाङको उपचारका क्रममा मृत्यु भएको हो ।घाईत भएकी सोहि ठाउँ बस्ने ३६ बर्षीय धनकुमारी तामाङको काठमाण्डौको पाटन अस्पतालमा उपचार भईरहेको छ । घटनापछि गाडी चालक फरार भएकाले खोजीकार्य भइरहेको प्रहरीले जनाएको छ