८ माघ, धादिङ ।
सर्वाधिक ५० हजार राशिको डन्डीवियो प्रतियोगिता धादिङमा हुने भएको छ । नेपाल स्काउट, जिल्ला स्काउट कार्यालय धादिङ र नेपाल डण्डी बियो संघको सयुक्त आयोजनामा यहि फागुन ५,६ र ७ गते धादिङबेशीमा जिल्ला स्तरिय डण्डी बियो प्रतियोगिता हुने भएको हो ।
लोक खेल अन्तर्गत डण्डीबियोको संरक्षण र लोभ हुन नदिन प्रतियोगिताको आयोजना गरिएको हो । प्रतियोगितालाई सफल बनाउनको लागि माघ १९ गते धादिङबेशीमा डण्डीबियो खेलको प्रशिक्षण समेत दिने भएको छ ।
प्रतियोगितामा जिल्लाका संस्थागत तथा सामुदायिक माध्यमिक बिद्यालयका बिद्यार्थीले सहभागी हुन पाउने छन् । प्रतियोगितामा बिजयी हुने टिमले नगद रु ५० हजार रुपैया पाउने छन् । यसैगरी दोस्रो पुरस्कार तिस हजार ,तेस्रो पुरस्कार बिस हजार र सान्वना पुरस्कार दश हजार तोकिएको छ ।