३ पुस, काठमाडौं । अर्थ मन्त्रालयले ४२ दिनमा करिब १८ लाखको खाजा खाएको भन्दै बिल सार्वजनिक गरेको छ ।

भदौ र असोज महिनामा मन्त्रालयभित्र भएको बैठकमा खाजा खाँदा १७ लाख ५७ हजार खर्च भएको विल अर्थ मन्त्रालयले आफ्नो वेबसाइटबाट सार्वजनिक गरेको हो । यी दुई महिनामा जम्मा ४२ दिनमात्रै सरकारी कार्यालय खुलेका थिए ।

गत आर्थिक बर्ष निजामति पुरस्कारबाट उत्कृष्ट कर्मचारीका रुपमा सम्मानित सचिव शान्तराज सुवेदीले सम्हालेको मन्त्रालयले खाजाका नाममा यति धेरै खर्च गरेको पाइएको हो । मन्त्रालयले कञ्चन चमेना गृहलाई १७ लाख ५७ लाखको विल भुक्तानी गरेको देखाएको छ ।